31. jan. 2007

Bókaútgáfa Populus tremula

Populus tremula mun hefja nýjan þátt í starfsemi sinni á næstunni. Útgáfustarfsemi. Frumkvöðull að því starfi innan félagsins er Hjálmar Stefán Brynjólfsson og á heiður skilinn fyrir að ýta þessu verkefni úr vör.

Félagið mun standa að útgáfu lítilla bóka sem tengjast viðburðum á bókmennta- og tónlistarsviðum.
Þetta er tilraunastarf sem mun standa til vors og þegar hefur verið ákveðið að gefa út minnst fjögur rit til vors.

Upplag verður aðeins 100 eintök sem öll verða tölusett og árituð af höfundum efnis. Bækurnar verða boðnar til sölu á 1.000 krónur eintakið og útgáfudagur hvers rits verður tengdur viðburðum.

Það er von félagsmanna í Pt að þetta framtak mælist vel fyrir og að gripirnir veki áhuga.
Fyrsta bókin er þegar komin í prentun og kemur út þann 16. febrúar nk. og verður nánar kynnt innan skamms.

20. jan. 2007

Útsala á myndlist!



Laugardaginn 27. og sunnudaginn 28. janúar kl. 14:00-17:00 mun Aðalsteinn Svanur Sigfússon halda ÚTSÖLU á eigin málverkum í Populus tremula. Til sölu verða málverk frá 10 ára tímabili á allt að 90% afslætti! Kaupendur geta gengið út með verkin gegn staðgreiðslu. Allt á að seljast!