LOKAUPPGJÖR 30. desember

Þriðjudagskvöldið 30. desember verður haldið Lokauppgjör Populus tremula með tónleikum í bækistöðvunum i Gilinu. 

Þar verður dagskráin sem hljómsveit hússins á frábærum minningartónleikunum um Sigurð Heiðar Jónsson í Hofi í lok október sl. endurtekin – byggist á lögum þeirra Tom Waits, Nick Cave og Cornelis Vreesvijk. 

Það er um margt táknrænt, því einmitt á tónleikum með lögum Tom Waits hófst starfsemin undir nafni Populus tremula fyrir tíu árum síðan og þessir tónleikar marka lok starfeminnar undir nafni Populus.

Að sjálfsögðu verður aðgangur ókeypis og malpokar leyfðir þetta kvöld. Húsið opnað 21.30.

Ljósmyndasýningin Takk fyrir komuna opnar 27. des.

Laugardaginn 27. desember kl. 14.00 verður opnuð ljósmyndasýningin Takk fyrir komuna í Populus tremula. Þar verður stiklað á stóru í tíu ára sögu Populus og myndir þeirra Kristjáns Péturs Sigurðssonar og Daníels Starrasonar verða í aðalhlutverki þótt fleiri muni koma við sögu. 

Sýningin verður einnig opin 28. desember kl. 14.00-17.00 og að kvöldi 30. desember.

Þetta er síðasta sýningin í nafni menningarsmiðjunnar Populus tremula, sem rekin hefur verið í Listagilinu á Akureyri í tíu ár af hópi áhugafólks en hættir starfsemi um komandi áramót. Að baki eru 300 list- og menningarviðburðir af fjölbreyttum toga og útgáfa meira en 20 bókatitla og einnar hljómplötu.

Takk fyrir komuna í tíu ár!

JÓLABAZAR HELGA & BEATE

JÓLABAZAR HELGA & BEATE

Eins og venjulega halda Helgi Þórsson og Beate Stormo JólaBazar í Populus tremula.

Til sölu verða m.a. jólatré, kjólar, greinar, hálsmen, myndlist, töskur og alls konar heimaræktað dót. 

Opið laugardag 13. og sunnudag 14. desember og aftur frá 18. til 23. desember frá klukkan 13.00-18.00 alla dagana.

Agnes Ársælsdóttir og Vala Hjaltalín sýna 5.-7. nóv.

KVÁNRÍKI

Föstudaginn 5. desember kl. 18.00 opna Agnes Ársælsdóttir og Vala Hjaltalín sýninguna Kvánríki í Populus tremula. Sýndar verða myndir í hinum ýmsu miðlum auk myndbands sem þær unnu í sameiningu og er titilverk sýningarinnar.

Sýningin er opin þessa einu helgi, frá kl. 18:00-22:00 á föstudag og kl. 14:00-17:00 laugardaginn 6. desember og sunnudaginn 7. desember.

Eiríkur Arnar Magnússon sýnir 29.-30. nóvember

Laugardaginn 29. nóvember kl. 14.00 mun Eiríkur Arnar Magnússon opna sýninguna Bækr voru í Populus tremula. 

Eiríkur Arnar Magnússon (1975) er fæddur og uppalinn á Akureyri. Útskrifaðist úr Listaháskóla Íslands 2007 og vinnur aðallega með bækur og málverk. Þetta er þriðja einkasýning hans.

Sýningin er einnig opin á sunnudag 30. nóvember frá kl 14.00-17.00. 
Aðeins þessi eina helgi.

Þorsteinn Gíslason og Kristján Pétur sýna 22.-23. nóv.

Laugardaginn 22.11. kl. 14.00 munu Þorsteinn Gíslason og Kristján Pétur Sigurðsson frumsýna margra miðla verkið Wood you see Wood you listen í Populus tremula.

Verkið, sem unnið er fyrir tilstilli styrks frá Menningarráði Eyþings, er blanda skúlptúrs, vídeós og tónlistar.

Sýningin er einnig opin á sunnudag 23. nóvember frá kl 14.00-17.00. Aðeins þessi eina helgi.

Aðalsteinn Svanur og Sigurður Ormur halda tónleika 22. nóv.

Laugardaginn 22. nóvember kl. 21.00 halda feðgarnir Aðalsteinn Svanur Sigfússon og Sigurður Ormur Aðalsteinsson trúbadoratónleika Populus tremula. Þar munu fleir flytja eigið efni, lög og texta. Einhverjir kannast við Aðalstein Svan eftir áratuga starf að ýmsum listum en hér mun Sigurður Ormur stíga í fyrsta sinn á svið opinberlega með eigin tónlist.

Plássið verður opnað kl. 20.30 –  Aðgangur ókeypis  –  Malpokar leyfðir.

Rögnvaldur Bragi Rögnvaldsson sýnir 15.-16. nóvember

BARA KASSAR
Rögnvaldur Bragi Rögnvaldsson

Laugardaginn 15. nóvember kl. 14.00 opnar Rögnvaldur Bragi Rögnvaldsson málverkasýninguna Bara kassar í Populus tremula. Sýnd verða akrýlmálverk á striga sem öll hafa verið máluð á þessu ári.

Sýningin er einnig opin sunnudaginn 16. nóvember kl. 14.00-17.00. Aðeins þessi eina helgi.

Guðrún Pálína sýnir 8.-9. nóvember

Laugardaginn 8. nóvember kl. 14.00 opnar Guðrún Pálína Guðmundsdóttir myndlistarsýninguna Nóvember í Populus tremula.

Sýningin er einnig opin sunnudaginn 9. nóvember kl. 14.00-17.00. Aðeins þessi eina helgi.

Minningartónleikar um Sigurð Heiðar Jónsson, haldnir í Hofi 25. október 2014

Myndirnar tók Daníel Starrason. Takk.