Populus tremula

ÞRÁNDUR ÞÓRARINSSON SÝNIR 28.-29. JAN.

2012-01-23T09:20:00.001Z

Laugardaginn 28. janúar kl. 14.00 mun Þrándur Þórarinsson opna málverkasýningu í Populus Tremula.

Á sýningunni verða ný olíumálverk. Þrándur Þórarinsson er fæddur 1978. Hann stundaði nám hjá Odd Nerdrum árin 2003-2006 eftir að hafa sótt fornámsdeild Listaháskóla Íslands og sitthvort árið í málaradeild Myndlistaskólans á Akureyri og málaradeild Listaháskóla Íslands.

Þrándur sækir viðfangsefni verka sinna meðal annars í íslenska sögu, þjóðsögurnar og Íslendingasögurnar undir áhrifum þjóðernisrómantíkur, barokks og endurreisnar.

Þetta er sjötta einkasýning Þrándar, sem vakið hefur verðskuldaða athygli fyrir verk sín, sem að þessu sinni eru til sölu.

Einnig opið sunnudaginn 29. janúar kl. 14.00-17.00. Aðeins þessi eina helgi.

NÁTTFARI OG HELLVAR | TÓNLEIKAR 27. JAN.

2012-01-23T09:18:00.001Z

Föstudaginn 27. janúar kl. 22.00 munu hljómsveitirnar NÁTTFARI og HELLVAR halda tónleika í Populus Tremula.

Hellvar og Náttfari eru að fylgja eftir breiðskífum sínum, ,,Stop That Noise” og ,,Töf” sem komu út í haust, en þær hafa báðar endað á árslistum tónlistargagnrýnenda yfir bestu plötur ársins 2011.

Húsið verður opnað kl. 21.30 | Aðgangur ókeypis | Malpokar leyfðir

CLOSE HORIZONS H 21.-22. jan.

2012-01-16T09:38:00.002Z

CLOSE HORIZONS
ÞÓRA SÓLVEIG BERGSTEINSDÓTTIR OG ERWIN VAN DER WERVE

Laugardaginn 21. janúar kl. 14.00 munu listamennirnir Þóra Sólveig Bergsteinsdóttir og Erwin van der Werve opna sýninguna CLOSE HORIZONS í Populus Tremula.

Á sýningunni verða vídeó og teikningar eftir listamennina, sem dvelja nú í gestavinnustofu Gilfélagsins.
Sjá nánar: www.solla.org – www.erwinvanderwerve.nl

Eiinig opið sunnudaginn 22. janúar kl. 14.00-17.00.
Aðeins þessi eina helgi.

KRISTJÁN PÉTUR | tónleikar í Reykjavík 20. jan.

2012-01-15T12:15:00.004Z

Föstudagskvöldið 20.janúar kl. 22.00 mun Kristján Pétur Sigurðsson, bæði einn og óstuddur og í kompaníi við Harald Davíðsson ( Hið Aðallega Skrokkaband ) og fleri vini, halda tónleika á skemmtistaðnum ObLaDi ObLaDa, Frakkastíg 8 í Reykjavík.

Kristján Pétur og vinir munu svo til eingöngu flytja lög og texta Kristjáns með nokkrum heiðarlegum undatekningum.
Aðgangseyrir er 1.000 kr.

ÍVAR HOLLANDERS SÝNIR 7.-8. jan.

2012-01-03T11:51:00.002Z

ÓÐUR
ÍVAR HOLLANDERS

Laugardaginn 7. janúar klukkan 14.00 mun Ívar Hollanders opna sýninguna ÓÐUR í Populus tremula.
Á sýningunni verða mínimalísk innsetningarverk.

Sýningin verður einnig opin sunnudaginn 8. jan. kl. 14.00-17.00.
Aðeins þessi eina helgi.

ÁRAMÓTAUPPGJÖR 2011 – tónleikar

2011-12-23T14:07:00.003Z

Föstudagskvöldið 30. desember 2011 kl. 22:00 verður haldið
ÁRAMÓTAUPPGJÖR POPULUS TREMULA

Árið kvatt með fjölbreyttri tónlistardagskrá að hætti hússins

Tekið verður úr lás kl. 21:30
Aðgangur ókeypis – Malpokar leyfðir

Fleiri myndir er að finna hér: http://populuspanodil.blogspot.com/

Sýning og jólabazar | Opnun 10. des.

2011-12-05T13:50:00.005Z

NÚ Á ÉG HVERGI HEIMA og JÓLABAZAR HELGA OG BEATE

Laugardaginn 10. desember kl. 14.00 opna Jóna Hlíf Halldórsdóttir og Hjálmar Stefán Brynjólfsson sýninguna Nú á ég hvergi heima í Populus tremula.

Síðasta sýning í þríleik um bókmenningu. Tileinkuð Norðurlandi, íslensku sveitinni og farvegi tímans.

Einnig opið sunnudaginn 11. desember kl. 14.00-17.00. Aðeins þessi eina helgi.

---

JÓLABAZAR Helga og Beate
verður haldinn í Populus tremula í desember líkt og undanfarin ár.

Jólatré, járnvara, kjólar og alls konar heimaræktaðar gersemar.

Tískusýning laugardaginn 10. des. kl. 15:00

Opið 10. og 11. desember og 17. - 23. desember klukkan 13.00-18.00

MYNDLISTARSÝNING OG LJÓÐAKVÖLD 26. NÓV.

2011-11-21T09:17:00.005Z

LAUGARDAGINN 26. NÓVEMBER
Sigrún Guðmundsdóttir opnar sýninguna ÓKYRRÐ kl. 14.00
Eyþór Árnason heldur LJÓÐAKVÖLD kl. 21.00

ÓKYRRÐ
Laugardaginn 26. nóvember kl. 14.00 opnar Sigrún Guðmundsdóttir sýninguna Ókyrrð í Populus tremula. Sigrún útskrifaðist úr myndlist frá Aki Enschede í Hollandi vorið 2008 og er búsett og starfar í Rotterdam. Hún dvelur í gestavinnustofu Gilfélagsins í nóvember og desember. Sýningin samanstendur af innsetningum þar sem innblástur er meðal annars sóttur í íslenska þjóðsögu þar sem kaldhæðnislegur söguheimurinn endurspeglar oft á tíðum raunveruleikann.
www.sigrungudmundsdottir.com

Einnig opið sunnudaginn 27. nóvember kl. 14.00-17.00. Aðeins þessi eina helgi.

LJÓÐAKVÖLD með Eyþóri Árnasyni
Laugardaginn 26. nóvember kl. 21.00 heldur ljóðskáldið Eyþór Árnason ljóðakvöld í Populus Tremula. Eyþór hefur vakið verðskuldaða athygli sem skáld síðan hann hlaut Bókmenntaverðlaun Tómasar Guðmundssonar 2009 fyrir bókina Hundgá úr annarri sveit. Nýverið kom út önnur bók Eyþórs, Svo ég komi aftur að ágústmyrkrinu.
Dagskráin er í samstarfi við bókaútgáfuna Uppheima.

Húsið opnað kl. 20.30 | Aðgangur ókeypis, malpokar leyfðir.

Myndirnar frá viðburðunum eru úr smiðju Kristjáns Péturs Sigurðssonar. Fleiri myndir á Populus panodil hlekknum hérna uppi til hægri á síðunni.

2011-11-08T15:44:00.003Z

Norðan suðið
LJÓÐADAGSKRÁ

Þann 12. nóvember næstkomandi, ætla nokkur skáld og listamenn að leiða saman vindáttir norðurs og suðurs... (Akureyri, Reykjavík... og Belgía)

Þau munu kalla fram eina hrinu ljóða, tóna og myndverka í Populus Tremula klukkan 21:00 og vona að sem fæstir láti það sem vind um eyru þjóta...

Fram koma:

Ásgeir H Ingólfsson (N)
Bergþóra Snæbjörnsdóttir (S)
Bragi Páll (S)
Gréta Kristín Ómarsdóttir (N)
Hekla Björt (N)
Jón Bjarki (S)
Jón Örn Loðmfjörð (S)
Nicolas Kunysz (S)
Sindri Freyr (S)
Solveig Pálsdóttir (S)
Þorgils Gíslason (N)

Aðgangur ókeypis. Malpokar leyfðir.

JÓN LAXDAL SÝNIR NÝ VERK | 22.-23. okt.

2011-10-17T09:06:00.003Z

NÝ VERK
Myndlistarsýning Jóns Laxdal
22.-23. október

Laugardaginn 22. október kl. 14.00 opnar Jón Laxdal myndlistarsýninguna Ný verk í Populus tremula.

Sýningin er einnig opin sunnudaginn 23. október kl. 14.00-17.00. Aðeins þessi eina helgi.

FORNLEIFAGRÖFTUR

2011-10-07T18:14:00.015Z

Til gamans og upprifjunar detta hér inn nokkrar myndir frá fyrstu starfsárum Populus tremula, 2004-2005 og voru teknar áður en þessi bloggsíða fór í loftið. Þessar eru úr safni Aðalsteins Svans.

Og á Populus panodil síðunni, sem tengill er á hér hægra megin á þessari síðu, er fjöldi ljósmynda af viðburðurm. Það er Kristján Pétur sem af einstökum dugnaði ljósmyndar, skráir og setur inn myndir.

22. desember 2005 hélt Dean Ferrell, bassaleikari hjá Sinfó, tónleika ásamt Steinu.
Ógleymanlegt kvöld.

8. október 2005 var haldið afar skemmtilegt bókmenntakvöld tileinkað kínverska skáldinu Po Chu-i sem var uppi á níundu öld. Gestir voru jafnmargir lesurum. Hér les Atli Hafþórsson í hlutverki Po hins unga.

Þann 28. maí 2005 voru haldnir tvöfaldir trúbadortónleikar. Orri Harðarson annars vegar og Baldvin Ringsted „Bela“ hins vegar.
Á myndinni er Bárður Sigurðsson á banjóinu.

Haustið 2005 var haldið bókmenntakvöld helgað Ara Jósepssyni og ljóðabókinni Nei.
Halldór Blöndal sagði frá Ara og kynnum sínum af honum.

Hér les Kristján Jósteinsson úr kvæðum Dags Sigurðarsonar á bókmennta- og myndlistarkvöldi sem helgað var Degi.

Um páskana 2005 héldu stofnfélagar í Populus samsýningu.
Við opnun var boðið upp á sígarettur.

25. mars 2005. Þórarinn Blöndal sýndi frábæra innsetningu undir titlinum Einstigi.
Með Tóta á myndinn er auðvitað Papa sjálfur populus.

MELLI – ljósmyndasýning 1.-2. október

2011-09-26T09:39:00.004Z

MELLI – ljósmyndasýning í Populus tremula 1.-2. október

Laugardaginn 1. október kl. 14.00 opnar Sigurður Gunnarsson ljósmyndasýninguna Melli í Populus tremula á Akureyri.

Vorið 2006 fór Hrafnkell Brynjarsson (Melli) í lyfjameðferð eftir að hafa greinst með krabbamein í eista. Ljósmyndarinn Sigurður Gunnarsson fylgdi honum í gegnum meðferðina. Á sýningunni má sjá myndir sem skrá daglegt líf Mella meðan á meðferð stóð.

Myndirnar varpa ljósi á hvernig líkaminn breytist við slíka þolraun og eru auk þess brotakennd sýn á hið daglega líf sjúklingsins. Líkamsstellingar og athafnir Mella á meðan meðferðinni stóð geta virst sláandi, en þó fullar öryggis; óttinn við að bíða lægri hlut í glímunni við illvígan sjúkdóm er ekki til staðar. Heldur horfir hann beint í myndavélina fullur öryggis og yfirvegunar og biður ekki um samúð eða vorkun.

Sigurður Gunnarsson f. 1978 útskrifaðist úr Ljósmyndaskóla Sissu árið 2006. Næstu ár eftir vann hann sem aðstoðarmaður ýmissa ljósmyndara og síðar sem sjálfstættstarfandi blaðaljósmyndari. Undanfarið hefur Sigurður unnið að sínum eigin verkefnum og haldið sýningar heima og erlendis. Melli er 5. einkasýning hans.

Sýningin er einnig opin sunnudaginn 2. október kl. 14.00-17.00. Aðeins þessi eina helgi.

LJÓÐAHÁTÍÐ 23. og 24. september

2011-09-08T17:08:00.012Z

Síðustu helgina í september verður haldin Ljóðahátíð í Eyjafirði.
Aðstandendur hennar eru Verksmiðjan á Hjalteyri, Populus tremula og Skógræktarfélag Eyfirðinga.

Hin árlega Ljóðaganga í Eyfirskum skógi verður að þessu sinni hluti hátíðarinnar og nú haldin í Grundarskógi í Eyjafirði.

Dagskrá verður þríþætt eins og fram kemur hér að neðan. Hópur góðskálda heimsækir Eyjafjörð og les ljóð sín fyrir heimamenn og gesti.

Fram munu koma m.a. eftirtalin skáld:

Guðbrandur Siglaugsson
Kristín Svava Tómasdóttir
Anton Helgi Jónsson
Bjarni Gunnarsson
Þórunn Erlu Valdimarsdóttir
Ísak Harðarson

Fyrst verður ljóðakvöld í Verksmðjunni á Halteyri kl. 21.00 föstudaginn 23. sept.

Síðan Ljóðaganga Grundarskógi í Eyjafirði kl. 14.00 laugardaginn 24. sept.

Að lokum ljóðakvöld í Populus tremula sama kvöld kl. 21.00.

Aðgangur verður ókeypis og öllum heimill. Malpokar leyfðir.

Ljóðahátíðin er styrkt sérstaklega af Menningarráði Eyþings, Uppheimum og Amtsbókasafninu á Akureyri og Akureyrarstofu.

JORIS RADEMAKER Á AKUREYRARVÖKU

2011-08-22T10:21:00.003Z

Á AKUREYRARVÖKU HEFST NÝTT STARFSÁR Í POPULUS TREMULA.

Laugardaginn 27. ágúst kl. 14.00 opnar Joris Rademaker sýninguna Á milli tilvistar og tilveru í Populus Tremula.
Sýninguna tileinkar hann minningu Sigurðar Jónssonar.

Klukkan þrjú á opnunardag syngur Kristján Pétur Sigurðsson tvö lög eftir Cornelis Vreeswijk.

Hér leikur Joris sér með mismunandi víddir og ólík efni og veltir fyrir sér spurningum um tilvistina og tilveruna. Úr fundnum hlutum býr hann til ný verk.

Opið laugardag kl. 14.00-22.00 og sunnudag kl. 14.00-17.00.
Aðeins þessi eina helgi.

MYRKÁ | tónleikar 30. júlí

2011-07-24T10:33:00.002Z

Laugardaginn 30. júlí kl. 22:00 heldur hljómsveitin MYRKÁ tónleika í Populus Tremula.

Flutt verða lög af væntanlegri plötu í bland við eldra efni og diskurinn 13 verður í boði á tilboðsverði.
Tónleikarnir verða þeir síðustu sem sveitin heldur í fullri lengd áður en hún leggur upp í tónleikaferð til New York.

Aðgangur ókeypis – Malpokar leyfðir.

Kristján Pétur með tónleika í Verksmiðjunni

2011-07-24T10:04:00.003Z

Tónleikar
Kristján Pétur Sigurðsson flytur uppáhaldslög
Verksmiðjan Hjalteyri
Laugardaginn 23. júlí kl. 20:30

Kristján Pétur Sigurðsson flytur þó nokkur uppáhaldslög eftir sjálfan sig, Cornelis Vreswijk, Jón frá Hvanná, CM Bellman, Tom Waits, Bob Dylan, Leonard Cohen, Harald Davíðsson og ef til vill fleiri.

Sérlegir aðstoðarmenn eru Guðmundur Egill Erlendsson og Birgir Sigurðsson

KVEÐJA

2011-06-26T15:18:00.003Z

Þann 7. júní sl. lést Sigurður Heiðar Jónsson, Papa Populus, 69 ára að aldri.

Sigurður var hugmyndafræðingur og hvatamaður að stofnun Menningarsmiðjunnar Populus tremula og driffjöðrin í starfi félagsins fram undir það síðasta. Síðasti aðalfundur P.t. var einmitt haldinn á heimili hans í fyrrahaust.

Við sem eftir sitjum í Populus, eins og reyndar Akureyringar og landsmenn allir, eiga Sigurði mikið að þakka fyrir framlag hans til menningarmála. Sem gjaldkeri og þungaviktarmaður í Gilfélaginu, hinar frábæru dagskrár sem hann nefndi Heim ljóðsins, tónlistardagskrár þar sem hann kom á fót tveimur hljómsveitum og kynnti okkur Cornelis Vresviik og Tom Waits til að byrja með og loks stofnun og starfsemi Populus tremula.

Það eru forréttindi að hafa unnið mikið og lengi með Sigurði Jónssyni. Enginn okkar er samur eftir því betri vin og félaga er ekki hægt að eignast.

Blessuð sé minning hans.

AÐALLEGA KONUR | 17.-26. júní

2011-06-14T09:51:00.002Z

AÐALLEGA KONUR
myndlist

Þann 17. júní kl. 14:00 verður opnuð myndlistarsýningin Aðallega konur í Populus Tremula. Egill, Eydís, Gunný, Gunna, Dóra og Inga, aðallega konur og einn strákur, sýna listir sínar.

Sýningin er til komin vegna fólkvangsins Vitið þér enn – eða hvað? samtal um rætur 19. - 21. júní.

Með þessari sýningu lýkur sjötta starfsári Populus tremula, sem nú tekur sér hlé fram að Akureyrarvöku í lok ágúst.

Sýningin verður opin daglega til 26. júní kl. 14:00-17:00.

Þorsteinn STEINI Gíslason | Án titils

2011-05-30T08:47:00.002Z

Laugardaginn 4. júní kl. 14:00 opnar myndistarmaðurinn Þorsteinn Steini Gíslason sýninguna Án titils í Populus Tremula.

Verkin á sýningunni eru olíumálverk sem listamaðurinn hefur unnið á síðustu þremur árum.

Sýningin verður einnig opin sunnudaginn 5. júní kl. 14:00-17:00.
Aðeins þessi eina helgi.

HEATHER PASSMORE | 28.-29. maí

2011-05-23T12:03:00.003Z

FORM LETTERS
HEATHER PASSMORE
myndlistarsýning
28. og 29. maí 2011

Laugardaginn 28. maí kl. 14:00 opnar kanadíska listakonan Heather Passmore sýninguna Form Letters í Populus Tremula.

Verkin á þessari sýningu eru unnin úr höfnunarbréfum sem Passmore hefur fengið á listferlinum og umbreytir í kraftmikil listaverk.

Listakonan dvelur í gestavinnustofu Gilfélagsins um þessar mundir og sýnir nú einnig verkið Knitting Mural á VeggVerk.

Sýningin verður einnig opin sunnudaginn 29. maí kl. 14:00-17:00. Aðeins þessi eina helgi.

HJÖRDÍS FRÍMANN SÝNIR | 21.-22. maí

2011-05-16T10:20:00.003Z

Laugardaginn 21. maí kl. 14:00 opnar Hjördís Frímann sýningu í Populus Tremula.

Hjördís er myndlistarmaður og leikskólakennari, fædd og búsett á Akureyri.

Á þessari sýningu eru fígúratíf málverk með fortíðarþrá, ásamt völdum köflum úr eldri verkum sem prentuð eru á striga.

Sýningin verður einnig opin sunnudaginn 22. maí kl. 14:00-17:00. Aðeins þessi eina helgi.

HARALDUR INGI sýnir 14.-15. maí

2011-05-09T12:21:00.003Z

COD HEAD 7
HARALDUR INGI HARALDSSON
14.-15. maí

Laugardaginn 14. maí kl. 14:00 opnar Haraldur Ingi Haraldsson sýninguna COD HEAD 7 í Populus tremula.

Haraldur Ingi er myndlistarmaður og sagnfræðingur. Hann hefur haldið fjölda sýninga heima og erlendis og gefið út bækur og tímarit með myndlist, ljóðlist og sögum. Haraldur Ingi var fyrsti forstöðumaður Listasafnsins á Akureyri.

Sýningin verður einnig opin sunnudaginn 15. maí kl. 14:00-17:00. Aðeins þessi eina helgi.

RAGNAR HÓLM | sýning 7.-8. maí

2011-05-02T09:21:00.002Z

BIRTAN Á FJÖLLUNUM
Ragnar Hólm sýnir vatnslitamyndir í Populus tremula

Laugardaginn 7. maí kl. 14:00 opnar Ragnar Hólm sýningu á nýjum vatnslitamyndum í Populus tremula.

Meginstef myndanna er ljós og skuggar í náttúru Eyjafjarðar þótt leikurinn með ljósið berist víðar.

Þetta er önnur einkasýning Ragnars.

Sýningin verður einnig opin sunnudaginn 8. maí kl. 14:00-17:00. Aðeins þessi eina helgi.

JUDE GRIEBEL 30.4.-1.5.

2011-04-26T11:26:00.002Z

Laugardaginn 30. apríl kl. 14:00 opnar kanadíski listamaðurinn Jude Griebel sýninguna Afterworks í Populus tremula.

Í verkum Griebels á sér stað samræða um sjálfsmynd mannsins í teikningum sem í senn eru ímyndanir og byggðar á lífshlaupi listamannsins og sýna manninn í táknrænum og yfirnáttúrlegum aðstæðum. Griebel (f. 1978) hefur sýnt verk sín víða um heim.

Sýningin verður einnig opin sunnudaginn 1. maí kl. 14-17. Aðeins þessi eina helgi.

BIRGIR SIGURÐSSON SÝNIR UM PÁSKANA

2011-04-18T09:01:00.003Z

Á skírdag, 21. apríl, kl. 14:00 opnar Birgir Sigurðsson rafvirki og myndlistarmaður, sýninguna LÍFIÐ vs LÍFIÐ í Populus tremula.

Sýningin er ljósinnsetning þar sem við sögu koma þríhjól og flúrperur.

Birgir býður gestum í ferðalag með samspili þessara ólíku hluta.

Sýningin verður opin alla páskana. Aðeins þessi eina helgi.

Myndirnar tók Kristján Pétur Sigurðsson, bróðir listamannsins og hirðljósmyndari Populussamsteypunnar.

AÐALSTEINN SVANUR Á ROSENBERG

2011-04-04T16:37:00.004Z

Föstudaginn 8. apríl kl. 21:30
heldur söngvaskáldið og Populusmaðurinn
AÐALSTEINN SVANUR SIGFÚSSON
tónleika á CAFÈ ROSENBERG við Klapparstíg 25-27 í Reykjavík

AÐALSTEINN flytur eigin lög og kvæði,
ýmist einn eða með Hjálmari Guðmundssyni

Aðgangur ókeypis (malpokar bannaðir!)

Ljósmyndirnar tók Níels Sveinsson.

ARNA VALSDÓTTIR SÝNIR | 12.-13. MARS

2011-03-07T09:36:00.003Z

ARNA VALSDÓTTIR
myndbandsinnsetning
12.-13. mars 2011

Laugardaginn 12. mars kl. 14:00 opnar Arna Valsdóttir myndbandsinnsetningu í Populus tremula.

Sýningin ber yfirskriftina Staðreynd 3 – Lady sings the blues – oggolítill óður til Billie.

Sýningin verður einnig opin sunnudaginn 13. mars kl. 14:00-17:00. Aðeins þessi eina helgi.

Grímsi og Konni TÓNLEIKAR 5. mars

2011-02-28T10:15:00.001Z

Laugardaginn 5. mars kl. 21:30 halda Grímsi og Konni úr Tenderfoot tónleika í Populus tremula ásamt góðum gestum og leika eigin tónlist.

Sérstakur gestur á tónleikunum verður snillingurinn Kristján Edelstein.

Þetta verða frjálslegir tónleikar á rólegum nótum að hætti þeirra félaga.

Húsið verður opnað kl. 21:00 | Aðgangur ókeypis | Malpokar leyfðir

VERUND ENDURVINNSLA FM2H08

2011-02-21T09:21:00.002Z

VERUND ENDURVINNSLA FM2H08

Föstudaginn 25. febrúar kl 17:00 opnar sýning í Populus tremula á vegum 1. og 2. árs nema Fagurlistadeildar Myndlistaskólans á Akureyri. Allt á sýningunni er unnið úr hlutum sem venjulegt fólk myndi kalla rusl eða drasl, og er afurð úr endurvinnsluáfanga undir leiðsögn listakonunnar Aðalheiðar S. Eysteinsdóttur.

Sýningin verður einnig opin laugardaginn 26. og sunnudaginn 27. febrúar kl. 14:00-17:00.

Aðeins þessa helgi. Léttar veitingar.

HALLGRÍMUR INGÓLFSSON | 19.-20. feb.

2011-02-07T13:13:00.003Z

Laugardaginn 19. febrúar kl. 14:00 mun Hallgrímur Ingólfsson opna málverkasýningu í Populus tremula.

Á sýningunni verða ný og nýleg akrílmálverk af ýmsum toga. Hallgrím er óþarft að kynna fyrir Eyfirðingum, en á síðustu árum hefur hann sinnt málverkinu af auknum krafti og haldið nokkrar einkasýningar, auk þátttöku í samsýningum.

Sýningin er einnig opin sunnudaginn 20. febrúar kl 14:00-17:00. Aðeins þessi eina helgi.

ANDREA WEBER | 22.-23. jan.

2011-01-17T10:02:00.003Z

Laugardaginn 22. janúar kl. 14:00 opnar Andrea Weber myndlistarsýninguna Cinderella through the Air í Populus Tremula.

Andrea býr og starfar í Berlín og París. Í innsetningum sínum túlkar hún umhverfi sitt, innblásin af náttúrunni, stórborgum, poppmenningu og tísku.

Sama dag kl. 15:00 opnar Andrea aðra sýningu í Galleri+ við Brekkugötu.

Sýningin er einnig opin sunnudaginn 23. janúar kl 14:00-17:00. Aðeins þessi eina helgi.

GLEÐILEGT NÝTT ÁR

2011-01-03T10:02:00.002Z

Populus tremula óskar gleðilegs árs.

Jafnframt þökkum við öllum þeim fjölmörgu listamönnum sem lögðu hönd á plóginn til að gera árið 2010 eftirminnilegt menningarár í kjallaranum góða, sem og gestum öllum og félgsmönnum sem unnið hafa mikið og óeigingjarnt starf.

Þá er okkur ljúft og skylt að þakka styrktaraðilum Populus tremula fyrir stuðninginn sem gerir okkur mögulegt að halda úti svo þéttri dagskrá. Þeir eru Ásprent Stíll, Saga fjárfestingabanki, Norðurorka og Rub 23.

Við höldum órtauðir áfram.

ÁRAMÓTAUPPGJÖR | 30. desember

2010-12-20T09:40:00.003Z

ÁRAMÓTAUPPGJÖR POPULUS TREMULA

Fimmtudagskvöldið 30. desember 2010 kl. 22:00 verður haldið ÁRAMÓTAUPPGJÖR POPULUS TREMULA

Árið kvatt með fjölbreyttri tónlistardagskrá að hætti hússins

Tekið verður úr lás kl. 21:30 – Aðgangur ókeypis – Malpokar leyfðir

Að vanda eru fleiri myndir á Populus panodil tenglinum efst til hægri á síðunni.

GEORG ÓSKAR MANÚELSSON | 18.-19. des

2010-12-13T09:27:00.004Z

GEORG ÓSKAR MANÚELSSON

Laugardaginn 18. desember kl. 14:00 opnar Georg Óskar Manúelsson myndlistarsýninguna „This moment is nothing special about nothing – only me and Claude Debussy“ í Populus Tremula.

Sýning Georgs Óskars samanstendur af málverkum, teikningum, textum og kroti. Verkin fjalla um að festa niður vangaveltur líðandi stundar, líkt og að halda dagbók.

Sýningin er einnig opin sunnudaginn 19. desember kl 14:00-17:00. Aðeins þessi eina helgi.

JÓLABAZAR HELGA OG BEATE frá 11. des.

2010-11-29T11:48:00.006Z

HELGA OG BEATE BÚÐ

Hinn árlegi Jólabazar Helga og Beate verður haldinn í Populus tremula allar helgar fram að jólum og auk þess síðustu dagana fyrir jól.

Allskonar drasl og druslur, meira og minna heimsmíðað og yfirþyrmandi þjóðleg hönnnun. Þá verða þrælíslensk jólatré og greinar til sölu frá 11. desember til jóla. Auk þess munu valinkunnir gestir bjóða varning sinn.

Helgi og Beate deila rýminu með öðrum listamönnum eftir atvkum. Sjáumst!

OPIÐ KL. 13:00-18:00

Ljósmyndir af bazarnum eru birtar með góðfúslegu leyfi Daníels Starrasonar og Kristjáns Péturs Sigurðssonar.

RÓSA SIGRÚN SÝNIR | 27.-28. nóv.

2010-11-22T10:00:00.002Z

Laugardaginn 27. nóvember kl. 14:00 opnar Rósa Sigrún Jónsdóttir myndlistarsýningu í Populus Tremula.
Rósa vinnur í ýmsa miðla en textíllinn er henni nærtækur og svo er einnig að þessu sinni.

Hvað vitum við í rauninni um fólk? Við drögum ýmsar ályktanir, meðal annars af samhenginu, en ef við raunverulega horfum á manneskjuna þá kemur efinn . . . er þessi kona sofandi eða er hún kannski dáin?

Rósa Sigrún hefur dvalið í Gestastofu Gilfélagsins nú í nóvember.

Sýningin er einnig opin sunnudaginn 28. nóvember. kl 14:00-17:00. Aðeins þessi eina helgi.

HÁSI KISI – LJÓÐAKVÖLD 19. nóv.

2010-11-15T12:27:00.002Z

Föstudaginn 19. nóvember kl.21:00 halda HÁSI KISI OG FÉLAGAR ljóðakvöld í Populus Tremula.

Hási Kisi er ljóðaklúbbur sem starfað hefur á Fljótsdalshéraði frá árinu 2008. Meðlimir Hása Kisa eru hver öðrum allt í senn aðdáendur, aðstoðarmenn og harðir og miskunnarlausir gagnrýnendur. Hópurinn hefur staðið fyrir viðburðum og vinnur að útgáfumálum en er fyrst og fremst sjálfshjálparhópur taugaveiklaðra ljóðskálda sem með góðu eða illu ætla sér að láta fólk hlusta á ljóðin sín.

Hási Kisi eru:
Ásgrímur Ingi Arngrímsson
Hrafnkell Lárusson
Ingunn Snædal
Stefán Bogi Sveinsson

Vinir Hása Kisa eru:
Kristján Ketill Stefánsson
Urður Snædal

Sérstakur gestur:
Gréta Kristín Ómarsdóttir

Húsið verður opnað kl. 20:30 | Aðgangur ókeypis | Malpokar leyfðir

RÖGNVALDUR GÁFAÐI SÝNIR 13.-14. nóv.

2010-11-08T09:40:00.002Z

RÖGNVALDUR GÁFAÐI SÝNIR 13.-14. nóv.

Laugardaginn 13. nóvember kl. 14:00 opnar Rögnvaldur Bragi Rögnvaldsson (alias Rögnvaldur gáfaði ) myndlistalistasýningu í Populus Tremula.

Rögnvaldur, sem er landsþekktur tónlistarmaður, sýnir hér á sér splúnkunýja hlið sem málari með akrýl á striga.

Sýningin er einnig opin sunnudaginn 14.11. kl 14:00-17:00. Aðeins þessi eina helgi.

GAMLI ELGUR SÝNIR | 30.-31. okt.

2010-10-25T10:52:00.004Z

SMALASTÚLKAN OG ALLAR HINAR
Málverkasýning
GAMLI ELGUR
30. og 31. október 2010

Laugardaginn 30. október kl. 14:00 opnar Gamli elgur, einnig þekktur sem Helgi Þórsson í Kristnesi, málverkasýninguna Smalastúlkan og allar hinar í Populus tremula.

Þar sýnir Gamli elgur lítil olíumálverk sem fara sérlega vel á veggjum. Listamaðurinn mun flytja nokkur lög við opnun.

Einnig opið sunnudaginn 31. október frá kl. 14:00-18:00. Aðeins þessi eina helgi.

Eins og áður er það Kristján Pétur Sigurðsson sem skrásetur viðburði með ljósmyndum. Mun fleiri myndir af þessari sýningu og öðrum er að finna undir Populus panodil á tenglasafninu hér til hægri á síðunni.

SONJA LOTTA | 23. og 24. október

2010-10-18T09:56:00.002Z

SONJA LOTTA
the complexity of letting go
MYNDLIST
23. og 24. otkóber 2010

Laugardaginn 23. október kl. 14:00 opnar svissneska listakonan Sonja Lotta sýninguna the complexity of letting go í Populus tremula.

Sonja Lotta, sem býr og starfar í Zurich, er listmenntuð í Bandaríkjunum og Skotlandi. Í list sinni skráir hún hversdagsleika daglegs lífs út frá óvæntum og jafnvel ærslafullum sjónarhornum. Öll verkin á sýningunni eru ný og byggja á upplifun listakonunnar af dvöl sinni á Íslandi.

Sýningin verður einnig opin sunnudaginn 24. október kl. 14:00-17:00. Aðeins þessi eina helgi.

KRISTINN R. GUNNARSSON, tónleikar | 9. okt.

2010-10-04T10:43:00.003Z

KRISTINN RÚNAR GUNNARSSON
heldur trúbadortónleika í Populus tremula.

Laugardaginn 9. október kl. 21:00 heldur Kristinn R. Gunnarsson trúbadortónleika í Populus tremula. Mun hann flytja frumsamið efni, ásamt vinum, í tilefni af nýorðnu þrítugsafmæli sínu.
Tryggvi Heiðar Gígjuson, bróðir Kristins, mun einnig leika frumsamda tónlist.

Húsið verður opnað kl. 20:30 – Aðgangur ókeypis – Malpokar leyfðir.

KRISTJÁN PÉTUR SÝNIR Í HAFNARFIRÐI

2010-09-13T09:10:00.002Z

RAUÐAÞÖGN Á FERÐ OG FLUGI

Laugardaginn 18.september kl. 14:00-17:00 opnar Populus Tremulamaðurinn Kristján Pétur Sigurðsson sýningu á ljósmyndum í Gullsmíðastofu Fríðu, Strandgötu 43 í Hafnarfirði.

Sýningin ber yfirskriftina RAUÐAÞÖGN Á FERÐ OG FLUGI og er önnur sýningin um ferðalög skúlptúrsins Rauðuþagnar um landið elds og ísa.

Sýningin verður síðan opin á opnunartíma gullsmíðastofunnar fram um miðjan október.

ÚT ÚR MYRKRI | YST 10.-12. SEPTEMBER

2010-09-06T13:04:00.003Z

Föstudaginn 10. september kl. 17:00- 19:00 birtir Yst langtímarannsókn sína á grímulausu ofbeldi með opnun á innsetningunni ÚT ÚR MYRKRI í Populus tremula.

Sýningin verður einnig opin um helgina 11.-12. september kl. 14:00-17:00. Aðeins þessa einu helgi.

JARED BETTS | 4.-5. SEPTEMBER

2010-08-30T10:52:00.004Z

Laugardaginn 4. september kl. 14:00 opnar kanadíski myndlistarmaðurinn Jared Betts sýningu í Populus tremula.

Jared, sem er frá New Brunswick, hefur dvalið á Skagaströnd síðustu mánuði og unnið þar að list sinni. Hann hefur haldið einkasýningar og tekið þátt í fjölmörgum samsýningum á síðustu árum.

Sýningin verður einnig opin sunnudagininn 5. september kl. 14:00-17:00. Aðeins þessi eina helgi.

KRISTJÁN PÉTUR Í BOXINU | 28.8.-19.9.

2010-08-23T09:25:00.004Z

Frá laugardeginum 28.ágúst mun Populus tremulamaðurinn Kristján Pétur Sigurðsson sýna tréskúlptúrinn ÞAGNARNÁL í BOXkompunni í Listagilinu. Þagnarnálin er eiginlega langa systir ÞAGNAR-FREYJU, sem sést á myndinni standa keik fyrir utan Populus Tremula og BOXið.

Sýningin verður opin til 19.september, kl. 14-17 á föstu-laugar- og sunnudögum.

GUNNAR KR. & ARNAR TRYGGVASON | 28. ÁGÚST

2010-08-18T10:56:00.004Z

STEYPA
Gunnar Kr. Jónasson og Arnar Tryggvason
MYNDLISTARSÝNING
28.-29. ágúst 2010

Laugardaginn 28. ágúst kl. 14:00 opna Gunnar Kr. Jónasson og Arnar Tryggvason samsýninguna STEYPA í Populus tremula. Báðir sýna þeir ný verk sem eiga það sameiginlegt að vera unnin úr steinsteypu. Sýningin er framlag Populus til Akureyrarvöku.

Sýningin verður einnig opin sunnudagininn 29. ágúst kl. 14:00-17:00. Aðeins þessi eina helgi.

SUMARLOKUN

2010-06-18T15:06:00.002Z

Populus tremula er nú enn eitt árið komið í langþráð sumarfrí.

Við þökkum öllum þeim fjölmörgu sem lögðu hönd á plóginn síðasta starfsár. Listafólki og gestum, velunnurum og ekki síst styrktaraðilunum sem hafa gert okkur starfið kleift undanfarin ár.

Að venju verður lokað fram að Akureyrarvöku í ágústlok, þegar við hefjum sjötta starfsár samsteypunnar.

Njótið sumarsins!

Samúel Jóhannssson sýnir um Hvítasunnuna

2010-05-16T12:22:00.002Z

Laugardaginn 22. maí kl. 14:00 opnar Samúel Jóhannssson sýningu á akríl- og vatnslitaverkum í Populus tremula.

Þetta er 26. einkasýning Samúels sem hefur einnig tekið þátt í fjölda samsýninga heima og erlendis á þeim þremur áratugum sem hann hefur unnið stöðugt að myndlist. Samúel vinnur myndverk sín með akríllitum, tússbleki, járni og lakki.

Sýningin verður opin alla hvítasunnuhelgina kl. 14:00-17:00. Aðeins þessi eina helgi.

MAJA SISKA RT10 | 15.-16. MAÍ

2010-05-06T16:07:00.004Z

Laugardaginn 15. maí kl. 14:00 opnar Maja Siska myndlistarsýninguna RT10 í Populus tremula.

Sýningin verður einnig opin sunnudaginn 16. maí kl. 14:00-17:00. Aðeins þessi eina helgi.

Myndirnar tók hinn ötuli skrásetjari viðburða, Kristján Pétur. Fleiri myndir af þessari sýningu og öðrum er ávallt að finna á hlekknum Populus panodil, hérna uppi og til hægri á síðunni.

SUICIDE COFFEE | tónleikar 21.4.

2010-04-19T09:10:00.003Z

SUICIDE COFFEE
tónleikar í Populus tremula
21. apríl 2010

Miðvikudaginn 21. apríl, síðasta vetrardag, kl. 21:30 mun hljómsveitin SUICIDE COFFEE halda tónleika í Populus tremula.
VICTOROCARES hitar upp.
Húsið verður opnað kl. 21::00 | Malpokar leyfðir | Aðgangur ókeypis

LITLA LJÓÐAHÁTÍÐIN | 16.-17. apríl

2010-04-09T13:52:00.006Z

LITLA LJÓÐAHÁTÍÐIN | 16.-17. apríl

Litla ljóðahátíðin fer fram á Akureyri helgina 16. – 17. apríl. Þetta er í annað sinn sem hátíðin er haldin en í ár koma fram:

Sigurður Pálsson, Ingibjörg Haraldsdóttir, Vilborg Dagbjartsdóttir, Elísabet Kristín Jökulsdóttir, Kristín Ómarsdóttir, Óskar Árni Óskarsson, Bragi Ólafsson, Haukur Ingvarsson, Magnús Sigurðsson og Hermann Stefánsson.

Fyrsta hátíðin fór fram í fyrra og heppnaðist afar vel. Aðsókn var ævintýralega góð og frábær stemning ríkti á ljóðakvöldunum tveimur. Vonir standa til að nýta þennan meðbyr langt fram eftir 21. öldinni og bjóða upp á frábær ljóðakvöld á meðan skipuleggjendur standa í báðar lappirnar.

Á Litlu ljóðahátíðunum er áheyrendum boðið upp á spennandi og heilsteypta dagskrá sem gefur glögga mynd af íslenskri ljóðlist ár hvert. Á hátíðinni er lagt upp með að bjóða í hvert sinn upp á fjölbreytt efni. Líkt og í fyrra verða tvö ljóðakvöld þar sem nokkur af fremstu ljóðskáldum samtímans lesa upp úr verkum sínum. Að auki verður boðið upp á fyrirlestra um ljóðlist laugardaginn 17. apríl.

Ljóðakvöld hátíðarinnar verða haldin í Populus Tremula í Listagilinu, en fyrirlestrarnir fara fram á menningarsetrinu á Möðruvöllum í Hörgárdal. Viðburðir hátíðarinnar verða öllum opnir án endurgjalds.

Skipuleggjendur hátíðarinnar eru: Gunnar Már Gunnarsson, Atli Hafþórsson og Hjálmar Stefán Brynjólfsson.

DAGSKRÁ:

Föstudagskvöldið 16. apríl kl. 21:00
LJÓÐAKVÖLD Í POPULUS TREMULA

Elísabet Kristín Jökulsdóttir
Ingibjörg Haraldsdóttir
Sigurður Pálsson
Vilborg Dagbjartsdóttir

---

Laugardagurinn 17. apríl kl. 15:00
FYRIRLESTRAR UM LJÓÐLIST
Í MENNINGARSETRINU
Á MÖÐRUVÖLLUM Í HÖRGÁRDAL

Haukur Ingvarsson, skáld og útvarpsmaður
MULDUR ÞRUMUNNAR ER NOKKUÐ ÞUNGT
Magnús Sigurðsson, skáld og bókmenntafræðingur
HJARTANS-MÁL: NOKKRIR SUNDURLAUSIR ÞANKAR UM LJÓÐLIST

---

Laugardagskvöldið 17. apríl kl. 21:00
LJÓÐAKVÖLD Í POPULUS TREMULA

Bragi Ólafsson
Hermann Stefánsson
Kristín Ómarsdóttir
Óskar Árni Óskarsson

TÓNLEIKAR OG SÝNING UM PÁSKANA

2010-03-29T09:32:00.003Z

TINNA MARÍNA OG FÉLAGAR & SICK BIRD
laugardaginn 3. apríl

Laugardaginn 3. apríl kl. 22:00 mun Tinna Marína Jónsdóttir söngkona, koma fram á tónleikum í Populus tremula.
Leikið verður frumsamið efni í bland við eldri húsganga, en Tinnu til halds og trausts verða gítarleikararnir Daníel Auðunsson og Leifur Björnsson.
Tónlistin er undir áhrifum country- og folk-tónlistar 5. og 6. áratugarins, frá N. Ameríku. S
veitin hefur verið iðin við tónleikahald að undanförnu og þykir frábær á sviði.

Einnig kemur fram Sick Bird sem skipað er í þetta sinn. Konna Bartsch og Krissa Edelstein.

Húsið verður opnað kl. 21:30 | Aðgangur ókeypis | Malpokar leyfðir.

RUT INGÓLFDÓTTIR SÝNIR UM PÁSKANA

2010-03-26T09:48:00.003Z

RUT INGÓLFDÓTTIR
ljósmyndasýning
ANNARS KONAR LANDSLAG
2.-5. apríl

Á skírdag, fimmtudaginn 2. apríl, kl. 14:00 opnar Rut Ingólfsdóttir ljósmyndasýninguna ANNARS KONAR LANDSLAG í Populus tremula.

Rut hefur fengist við ljósmyndun árum saman, tekið þátt í sýningum og stundar nú nám í grafískri hönnun við Listaháskóla Íslands. Á sýningunni eru þrjár myndraðir sem ganga út frá mismunandi þáttum.

Sýningin verður opin alla páskahelgina frá kl. 14:00-17:00.

KRISTJÁN PÉTUR opnar á Café Karólínu 3.4.

2010-03-26T09:44:00.003Z

KRISTJÁN PÉTUR SIGURÐSSON
Ljósmyndasýing
RAUÐAÞÖGN Á FERÐ OG FLUGI
Café Karólína

Laugardaginn 3. apríl. kl. 15:00 opnar Populus tremulamaðurinn Kristján Pétur Sigurðsson sýningu á Café Karólínu, sem ber yfirskriftina Rauðaþögn á ferð og flugi.

Sýningin samanstendur af ljósmyndum, sem teknar eru af litlum skúlptúr (Rauðaþögn), hér og þar á ferðinni um landið ísa. Þessi sýning er sú fyrsta af nokkrum fyrirhuguðum með sömu yfirskrift og yrkisefni.

Sýningin stendur til 30. apríl.

RAGNAR HÓLM | sýning 20.-21. mars

2010-03-12T12:05:00.003Z

SÉRÐU ÞAÐ SEM ÉG SÉ?
myndlistarsýning 20.-21. mars
RAGNAR HÓLM

Laugardaginn 20. mars kl. 14:00 opnar Ragnar Hólm myndlistarsýninguna Sérðu það sem ég sé? í Populus tremula.

Þar sýnir Ragnar vatnslitamyndir sem allar eru málaðar á þessu ári og því síðasta. Í myndum sínum fjallar Ragnar um norðlenska náttúru.

Sýningin verður einnig opin sunnudaginn 21. mars kl. 14:00-17:00. Aðeins þessi eina helgi.

Aðalsteinn Svanur | TRÚBADORKVÖLD 5.3.

2010-02-22T19:57:00.006Z

50 MÍNÚTUR
Aðalsteinn Svanur Sigfússon
TRÚBADORKVÖLD 5. MARS

Föstudaginn 5. mars kl. 21:00 stendur söngvaskáldið Aðalsteinn Svanur Sigfússon fyrir trúbadorkvöldi í Populus tremula. Þar mun Aðalsteinn, með stuðningi Hjálmars Guðmundssonar, flytja eigin lög og kvæði, bæði eldri slagara og nýlegt efni, í tilefni af yfirvofandi fimmtugsafmæli sínu.Blóm og kransar afþökkuð.

Húsið verður opnað klukkan 20:30.
Aðgangur ókeypis. Malpokar leyfðir.

KRISTJÁN PÉTUR – TÓNLEIKAR | 20.2.

2010-02-15T08:53:00.002Z

KRISTJÁN PÉTUR – TÓNLEIKAR | 20.2.

Laugardaginn 20. febrúar kl. 21.00 mun Kristján Pétur Sigurðsson halda tónleika í Populus Tremula.

Í þetta skipti mun Kristján Pétur koma nakinn fram, það er að segja án hjálparmanna og algjörlega án uppmögnunarrafmagns. Kristján Pétur mun eingöngu flytja eigin lög (úrval síðustu 40 ára) og segja lítillega frá tilurð laga og texta.

Húsið verður opnað klukkan 20:30. Aðgangur ókeypis. Malpokar leyfðir.

MYRKÁ 23. jan. TÓNLEIKAR

2010-01-18T14:38:00.002Z

MYRKÁ 23. jan. TÓNLEIKAR

Laugardaginn 23. janúar kl. 22.00 heldur hljómsveitin Myrká tónleika ásamt gestum í Populus Tremula. Leikin verður tónlist af hljómplötnni 13 sem kemur út á næstu vikum á vegum Töfrahellisins í bland við nýtt efni. Diskurinn verður til sölu á staðnum ásamt skartgripum frá Arál design.

Húsið verður opnað klukkan 21:30. Aðgangur ókeypis. Malpokar leyfðir.

ÞÓRGNÝR DÝRFJÖRÐ – ÞREIFANDI – 16.-17. jan.

2010-01-11T10:45:00.002Z

ÞÓRGNÝR DÝRFJÖRÐ – ÞREIFANDI – 16.-17. jan.

Laugardaginn 16. janúar kl. 14.00 opnar Þórgnýr Dýrfjörð áhugaljósmyndari sýninguna Þreifandi í Populus Tremula. Þar sýnir hann ljósmyndir teknar á síðustu tveimur árum og eru viðfangsefnin af ýmsum toga, portrett, bæjarmyndir og landslag. Sýningin er einnig opin sunnudaginn 17. janúar kl. 14-17.

Þórgnýr hefur verið hugfanginn af ljósmyndun allt frá barnæsku og lagði sig sérstaklega eftir henni á unglingsárum, eignaðist góða myndavél og fékkst við allan ferilinn frá myndatöku til framköllunar og stækkunar í myrkraherbergi. Ljósmyndadellan rénaði svo nokkuð um árabil þó vélin væri aldrei langt undan. Á síðustu árum hefur hann nýtt sér stafræna ljósmyndatækni og í gegnum hana endurnýjað kynnin við sitt gamla áhugamál. Þórgnýr beinir linsunni að fjölbreytilegum viðfangsefnum, gerir tilraunir með tækni, sjónarhorn, myndbyggingu og myndvinnslu. Sýningin í Populus Tremula er sú fyrsta sem Þórgnýr heldur um ævina þó nokkrar ljósmyndir eftir hann hafi birst á opinberum vettvangi á vefsíðum og í dagblöðum.

ÁRAMÓTAUPPGJÖR 2009

2009-12-23T16:01:00.005Z

ÁRAMÓTAUPPGJÖR 2009

TÓNLEIKAR

Miðvikudagskvöldið 30. desember 2009 kl. 22:00
verður haldið ÁRAMÓTAUPPGJÖR POPULUS TREMULA

Árið kvatt með fjölbreyttri dagskrá að hætti hússins

Tekið verður úr lás kl. 21:30 – Aðgangur ókeypis
Malpokar leyfðir

JAFNFRAMT ÓSKAR POPULUS TREMULA HEIMSBYGGÐINNI GLEÐILEGRA JÓLA!

JÓLABASAR BEATE OG HELGA

2009-12-14T10:02:00.003Z

Jólabasar Beate og Helga í Populus tremula verður opinn frá laugardeginum 19. desember og fram á Þorláksmessu. Opið kl. 13:00–18:00 alla dagana.

Til sölu er margskonar heimgerður varningur, kjólar og járnvara, sokkar og ljóð, sápa og geisladiskur, svo fátt eitt sé talið. Jólatrjáasala – enginn posi, bara peningar.

Laugardag og sunnudag munu George Hollanders, Þór Sigurðarson og félagar úr Kvæðamannafélaginu Gefjun sjá um uppákomur um kl. 15:00.

Búast má við fleiri uppákomum um svipað leyti dags fram á Þorláksmessu.

GUÐMUNDUR ÁRMANN | 12.12.

2009-12-07T11:17:00.003Z

Á VEIÐISLÓÐ
Guðmundur Ármann Sigurjónsson
MYNDLISTARSÝNING

Laugardaginn 12. desember kl. 14:00 opnar Guðmundur Ármann myndlistarsýninguna Á VEIÐISLÓÐ í Populus tremula. Þar sýnir Guðmundur vatnslitamyndir málaðar á veiðislóð, fígúratífar myndir af vötnum, ám og fjallasýn. Sýningin er einnig opin sunnudaginn 13. des. kl. 14:00-17:00.

JÓLABASAR BEATE OG HELGA er opinn um helgina kl. 13:00-18:00. Jólatrjáarsala þeirra hefst 12. desember – enginn posi, bara peningar.

JÓLABASAR BEATE OG HELGA

2009-11-26T17:33:00.003Z

JÓLABASAR BEATE OG HELGA

Jólabasar Beate og Helga í Populus tremula verður opinn allar helgar til jóla og auk þess síðustu virku dagana fyrir jól. Til sölu verður margskonar heimgerður varningur, kjólar og járnvara, sokkar og ljóð, sápa og geisladiskur, svo fátt eitt sé talið. Opið kl. 13:00 – 18:00 alla dagana. Jólatrjáarsala hefst svo 12. desember – enginn posi, bara peningar. Þau hjónin munu deila Populus með öðrum listamönnum þegar svo stendur á.

AÐALSTEINN ÞÓRSSON | 21.11.

2009-11-17T11:35:00.002Z

MYNDLISTARSÝNING OG BÓK
Aðalsteinn Þórsson
PÓSTKORT

Laugardaginn 21. nóvember kl. 14:00 mun Aðalsteinn Þórsson opna myndlistarsýningu í Populus Tremula. Jafnframt kemur út á vegum Populus bókin PÓSTKORT eftir Aðalstein, sem inniheldur 16 póstkort með myndum listamannsins.

Sýningin verður einnig opin sunnudaginn 22. nóvember kl. 14:00 - 17:00

GRÆNLAND O.FL. | 7.-8.11

2009-11-02T09:13:00.003Z

GRÆNLAND O.FL.
Tómas Bergmann
MYNDLISTARSÝNING
7.-8. nóvember 2009

Laugardaginn 7. nóvember kl. 14:00 mun Tómas Bergmann opna myndlistarsýninguna GRÆNLAND o.fl. í Populus Tremula.

Sýningin verður einnig opin sunnudaginn 8. nóvember kl. 14:00 - 17:00

ORKUVER Í BÆJARLÆKNUM

2009-10-28T22:43:00.000Z

Um þessar mundir fagnar fimm ára afmæli sínu merkilegt fyrirbæri í mannlífinu á Akureyri – Menningarsmiðjan Populus tremula (P.t.). Í starfsemi af þessum toga er það talsverður aldur og því ekki úr vegi að líta um öxl og segja í stuttu máli frá þessu fyrirbæri, tilurð þess og starfsemi.

Kveikjan að stofnun félagsins var sú að hljómsveit vantaði æfingapláss. Úr varð að hljómsveitin, skipuð 7 mönnum sem fengust flestir við skáldskap og myndlist auk tónlistarinnar, gekk til liðs við myndlistarmenn sem ráku vinnustofu og sýningarpláss í Gilinu. Haustið 2004 var stofnað formlegt félag um rekstur menningarmiðstöðvar í vinnustofunni og hún tekin á leigu. Stofnfélagar voru níu og sjö þeirra eru enn virkir innan félagsins. Nýir félagar hafa bæst í hópinn og aðrir horfið til annarra landa eða landshluta. Heilinn að baki félaginu og forgöngumaður er Papa Populus, Sigurður Heiðar Jónsson, sem var gjaldkeri þess og andlit út á við fyrstu fjögur árin.

Í þriðju grein félagssamþykkta P.t. segir orðrétt: „Starfsemi félagsins skal byggjast á hugsjónastarfi án efnahagslegs ávinnings og þjóna því markmiði fremst, að efla lifandi menningarlíf í umhverfi sínu. Félagið má ekki hafa tekjur af starfsemi sinni...“

Þarna kemur strax fram eitt helsta sérkenni þessarar menningarsmiðju – félagið tekur aldrei gjald af neinum, hvorki listamönnum né gestum, og borgar aldrei neinum neitt sem tengist viðburðum í Populus termula. Vissulega fylgir þessum rekstri umtalsverður kostnaður, og ber þar hæst húsaleiga, sem framan af var greidd af félagsmönnum úr eigin vasa. Með vaxandi starfi og velmegun í samfélaginu, sem nú má helst ekki nefna á nafn, gengu til liðs við P.t. styrktaraðilar sem gerðu það mögulegt að halda úti öflugu starfi án þess að félagsmenn þyrftu að bera af því umtalsverðan persónulegan kostnað. Fyrir það eru félagsmenn þakklátir, enda væri Populus tremula ekki það sem það er nema fyrir tilstuðlan Ásprents Stíls, Saga Capital, Norðurorku, Rub 23 og Akureyrarbæjar. Eftir sem áður byggir Populus allt sitt á þrotlausu sjálfboðastarfi félagsmanna allra.

Tónlist hefur frá upphafi verið ríkjandi þáttur í starfi Populus tremula en strax á fyrsta starfsári félagsins var einnig farið að standa fyrir myndlistarsýningum og bókmenntakvöldum. Leiksýningar hafa verið fluttar í menningarsmiðjunni og raunar hafa flestar listgreinar fengið þar inni á þessum fimm árum. Viðburðir á þessu fimm ára tímabili skipta hundruðum og fjöldi gesta mælist í þúsundum. Ávallt eru allir velkomnir og aðgangur ókeypis, sama upp á hvað er boðið.

Frá upphafi hefur það verið stefna P.t. að taka vel á móti ungum listamönnum og gefa þeim kost á að koma verkum sínum á framfæri. Listnemar og ungskáld hafa fengið inni í Populus tremula á sömu forsendum og víðkunnir listamenn hvaðanæva að.

Í árbyrjun 2007 hóf Populus tremula bókaútgáfu með því að gefa úr litlar bækur í takmörkuðu upplagi. Bækur á vegum P.t. eru nú orðnar 19 talsins; ljóðabækur, myndlistarverk, tónlist og prósi eftir nánast jafnmarga höfunda. Þar á meðal eru verk landsþekktra listamanna í bland við fyrstu verk ungra skálda og listamanna.

Populus tremula er eitt af mörgum skilgetnum afkvæmum Gilfélagsins, sem ásamt Listasafninu á Akureyri ruddi jarðveginn fyrir grasrótarstarf í menningarlífinu á Akureyri. Öll þessi sjálfsprottnu gallerí og handverkshús, ásamt fyrrnefndum aðilum, Menningarmiðstöðinni í Listagili og þeim lifandi arfi sem Amtsbókasafnið, skáldahúsin og Minjasafnið standa fyrir, hafa virkjað þann listræna kraft sem býr í fólkinu í bænum – eru orkuver í bæjarlæknum.

Og starfinu í Populus tremula mun vonandi áfram haldið meðan túrbínan í Gilinu snýst.

OPSTRAAT & RESTJES | 24. okt.

2009-10-22T09:40:00.002Z

OPSTRAAT & RESTJES
Japonisma

GEORG, VIKTOR OG IVAR HOLLANDERS

Laugardaginn 24. október kl. 14:00 verður opnuð myndlistarsýningin OPSTRAAT & RESTJES, Japonisma í Populus Tremula. Það eru feðgarnir Viktor, Ivar og Georg Hollanders sem sýna saman. Sýningin fjallar um endurnýtingu eða gjörnýtingu og kynnir nýja hugmyndafræði eða “public trademark”, Opstraat & Restjes.

Sýningin verður einnig opin sunnudaginn 25. október kl. 14:00 - 17:00

KRISTJÁN PÉTUR SÝNIR Í HAFNARFIRÐI

2009-10-13T09:51:00.003Z

Þagnarangar úr Brandenburgarkonsert nr. 5 eftir J.S.Bach

Laugardaginn 17.10. kl. 14-17 opnar Kristján Pétur Sigurðsson sýninguna „Þagnarangar úr Brandenburgarkonsert nr. 5 eftir J.S.Bach“ í Gullsmíða og Skartgripaverslun Fríðu Strandgötu 43 í Hafnarfirði. Verkin eru unnin úr krossviði, kopar og maghóní.

Sýningin verður síðan opin í þrjár vikur á opnunartíma verslunarinnar.
Það væri mér sönn ánægja að þú og þínir litu inn við opnun.

LJÓÐAGANGAN | 12. september

2009-09-04T13:38:00.001Z

LJÓÐAGANGAN
KRISTNESSKÓGUR
12. SEPTEMBER 2009

Laugardaginn 12. september verður farin ellefta Ljóðagangan. Að þessu sinni verður farið um Kristnesskóg undir leiðsögn Helga Þórssonar. Fjölbreytt ljóðadagskrá í tali og tónum; ketilkaffi og meðlæti að hætti skógarmanna.

ATH.: Ekki verður boðið upp á rútuferð en þeir sem tök hafa á að bæta við sig farþegum eru góðfúslega beðnir að mæta við Amtsbókasafnið kl. 13:30, sem og þeir sem þurfa far. Aðrir mæti við Kristnesspítala kl. 14:00.

GUÐBRANDUR ÆGIR OG ELLI | 11.9.

2009-09-02T18:32:00.006Z

KÓPÍUR
GUÐBRANDUR ÆGIR OG ELLI
MYNDLISTARSÝNING

OG TRÚBADÚRTÓNLEIKAR
AÐALSTEINS SVANS SIGFÚSSONAR

Föstudagskvöldið 11. september kl. 21:00 verður opnuð myndlistarsýningin KÓPÍUR í Populus Tremula. Sýningin fjallar um upphaf, ferðalag og endi listaverks, sem og framhaldslíf þess. Sýningin samanstendur af videoverki og ljósmyndum. Hún er samstarfsverkefni myndlistarmannanna Guðbrands Ægis og ella.
Sýningin verður einnig opin laugardaginn 12. og sunnudaginn 13. september kl. 13:00 - 16:00

Um kl. 22:00 tekur síðan trúbadúrinn Aðalsteinn Svanur völdin um stund þar sem hann mun frumflytja nokkra nýja söngva í bland við eldra efni.

Aðgangur ókeypis | Malpokar leyfðir

MIÐNÆTURTÓNLEIKAR Á AKUREYRARVÖKU

2009-08-24T10:25:00.002Z

MIÐNÆTURTÓNLEIKAR Á AKUREYRARVÖKU

Undir lok Akureyrarvöku, eða á miðnætti 29. ágúst, opnar Populus Tremula upp á gátt með tónleikum.

Flutt verður tónlist af ýmsu tagi, frumsamin bæði og hermd, af hinum ágætu músíkmönnum sem standa að Populus.

Húsið verður opnað kl. 23:30 – Aðgangur ókeypis
Malpokar leyfðir

MAJ HASAGER | 22.-23. ágúst

2009-08-12T11:36:00.005Z

MAJ HASAGER
myndlistarsýning
22.-23. ágúst 2009

Laugardaginn 22. ágúst kl. 14:00 opnar listakonan Maj Hasager sýninguna HABITATION // ANTICIPATION í Populus Tremula. Þar sýnir hún á tveimur skjáum ljósmyndir og texta frá Vesturbakkanum í Palestínu verkið To Whom it May Concern, nokkurs konar ferðadagbók um breytingar á svæðinu undir hernámi Ísraela. Hasager sýnir einnig 21 verk sem hún hefur unnið á pappír meðan á dvöl hennar á Akureyri stendur.

Maj Hasager er dönsk listakona sem dvelur í gestavinnustofu Gilfélagsins á Akureyri í ágúst. Maj, sem er fædd 1977, hefur stundað list- og ljósmyndanám í Danmörku, Svíþjóð og Bretlandi og hlaut MFA gráðu frá Listaháskólanum í Malmö 2008. Hún hefur haldið sýningar og tekið þátt í samsýningum víða um heim á undanförnum árum.

Sýningin verður einnig opin sunnudaginn 23. ágúst kl. 14:00 - 17:00. Aðeins þessi eina helgi.

TAKK AÐ SINNI

2009-07-01T22:32:00.003Z

Populus tremula hefur lokað dyrunum í bili og tekur nú verðskuldað sumarfrí.

Við félagar þökkum gjöfult og skemmtilegt samstarf á nýliðnu starfsári – listamönnum sem lagt hafa hönd á plóg og gert líflega dagskrá að veruleika – og þá ekki síður öllum þeim sem sótt hafa okkur heim og séð til þess að í Populus hefur verið kraumandi líf. Síðast en ekki síst er ljúft og skylt að þakka styrktaraðilunum okkar góðu – án þeirra stuðnings væri starfsemin ekki svipur hjá sjón.

Populus tremula mun ljúka upp dyrunum á ný þegar líður að Akureyrarvöku í ágústlok. Sjáumst þá!

ÞAGNARFREYJA KRISTJÁNS PÉTURS

2009-06-24T12:34:00.002Z

Nú er nýhafin sýningin Freyjumyndir.
Populusmaðurinn Kristján Pétur Sigurðsson tekur þátt í sýningunni ogstaðsetti sína Freyju fyrir utan gluggann á Populus tremula eins og myndirnar sýna.

Sjá nánar á Populus panodil (krækja hér til hægri á síðunni)

BÓKMENNTAKVÖLD RUNDFUNK 26.6.

2009-06-22T12:47:00.001Z

BÓKMENNTAKVÖLD RUNDFUNK 26.6.

Föstudaginn 26. júní kl. 22:00 verður haldinn RUNDFUNK kvöldlestur ásamt dj Mikka svanga í Populus Tremula.

Eigið efni lesa Jóna Hlíf, Gunnar M. G. og Þórgnýr Inguson en einnig koma fram Ingar Björn Davíðsson og Michael Boudreau sem munu fara með fornar rímur í bland við nútímakveðskap úr Vesturheimi.

Húsið verður opnað kl. 21:30 | Aðgangur ókeypis | Malpokar leyfðir

GUÐRÚN PÁLÍNA | 20.6.

2009-06-15T08:42:00.003Z

GUÐRÚN PÁLÍNA GUÐMUNDSDÓTTIR
Portrett
MYNDLISTARSÝNING

Laugardaginn 20. júní kl. 14:00 opnar Guðrún Pálína Guðmundsdóttir myndlistarsýninguna PORTRETT í Populus Tremula.

Verkin á sýningunni vinnur Guðrún Pálína út frá fjórum einstaklingum sem allir eiga sama afmælisdag og rýnir m.a. í stjörnukort þeirra.

Sýningin verður einnig opin sunnudaginn 21. júní kl. 14:00 - 17:00 | Aðeins þessi eina helgi

PORTRETT GUÐRÚNAR PÁLÍNU ER SÍÐASTA MYNDLISTARSÝNING STARFSÁRSINS.

ARNAR TRYGGVASON SÝNIR Í JV GALLERY

2009-06-12T14:09:00.003Z

ARNAR TRYGGVASON SÝNIR Í JV GALLERY

Laugardaginn 13. júní kl. 15:00 opnar Populusfélaginn Arnar Tryggvason myndlistarsýningu í JV Gallery (Listagilinu).

Þetta er þriðja einkasýning Arnars sem útskrifaðist sem grafískur hönnuður frá Myndlistaskólanum á Akureyri 1995.

Sýningin verður svo opin á laugardögum og sunnudögum frá kl. 13:00 - 18:00 fram til 28. júní.

---

Arnar Tryggvason er fæddur á Akureyri 1971. Hann útskrifaðist frá Myndlistaskólanum á Akureyri árið 1995 sem grafískur hönnuður. Þetta er þriðja einkasýning Arnars auk þess sem hann hefur tekið þátt í tveimur samsýningum.

Verkin á sýningunni eru klippimyndir, sem Arnar setur saman úr aragrúa ljósmynda sem hann hefur tekið. Arnar sækir búta úr ljósmyndum héðan og þaðan og raðar saman upp á nýtt, mótar nýtt landslag. Og þrátt fyrir að myndefnið hafi yfir sér framandlegan blæ er áhorfandinn þess jafnframt fullviss að hann þekki myndefnið, hafi gengið þarna um.

SKROKKABANDIÐ og MOGADON | 12.6.

2009-06-05T09:43:00.003Z

Föstudagskvöldið 12. júní kl. 22:00 verða haldnir tónleikar í Populus tremula.
Fram koma hljómsveitirnar Skrokkabandið og Mogadon sem eru gestum Populus að góðu kunnar enda góðkunningjar hér á ferðinni.

Þetta verða síðustu tónlekar hússins fyrir sumarlokun.

Húsið verður opnað kl. 21:30 | AÐGANGUR ÓKEYPIS | Malpokar leyfðir

TVENNIR TÓNLEIKAR 30. OG 31. MAÍ

2009-05-25T10:50:00.007Z

THE DEATHMETAL SUPERSQUAD, TIM HOLEHOUSE, BUXNASKJÓNAR, VÖLVA
Laugardagskvöldið 30. maí kl. 21:00 verða haldnir tónleikar í Populus tremula.

The DeathMetal SuperSquad (rólegt pönk með angurværu ívafi, frá Reykjavík)
Tim Holehouse (breskur tónlistarmaður; allt frá þjóðlagatónlist til tilraunakenndrar noise-tónlistar), Buxnaskjónar (akureyskt pönkband) og Völva (nýstofnuð hljómsveit frá Akureyri – spilar svokallaðan doom-metal).

Húsið verður opnað kl. 20:30 | AÐGANGUR ÓKEYPIS | Malpokar leyfðir

RAYKJAVÍK! OG SUDDEN WEATHER CHANGE
Sunnudagskvöldið 31. maí kl. 21:00 verða haldnir tónleikar í Populus Tremula í samstarfi við KIMI records. Fram koma hljómsveitirnar Reykjavík! og Sudden Weather Change. Bolir og plötur til sölu, hækkað í 11 og allir í fíling á AIM Festival!

Húsið verður opnað kl. 20:30 | AÐGANGUR ÓKEYPIS | Malpokar leyfðir

MYNDIR AF ÞESSUM VIÐBURÐUM EINS OG FLESTUM ÖÐRUM TÓK KRISTJÁN PÉTUR SIGURÐSSON.
MUN FLEIRI MYNDIR ERU Á POPULUS PANODIL SÍÐUNNI, SEM KEMUR UPP MEÐ ÞVÍ AÐ SMELLA Á PANODIL-TENGILINN HÉRNA EFST TIL HÆGRI Á SÍÐUNNI. ÞAR ER EINNIG FJÖLDI MYNDA AF ÖÐRUM VIÐBURÐUM SÍÐUSTU MÁNAÐA.

ÁSTA BÁRA PÉTURSDÓTTIR | 23.-24. maí

2009-05-18T09:22:00.002Z

ÁSTA BÁRA PÉTURSDÓTTIR
málverkasýning

Laugardaginn 23. maí kl. 14:00 verður opnuð málverkasýning Ástu Báru Pétursdóttur í Populus Tremula.

Ásta Bára er nýútskrifuð frá Myndlistaskólanum á Akureyri.
Verkin á sýningunni eru ný olíumálverk, öll unnin á þessu ári.

Sýningin verður einnig opin sunnudaginn 24. maí kl. 14:00 - 17:00 | Aðeins þessi eina helgi

Í RÉTTRI HÆÐ - SAMSÝNING | 16. maí

2009-05-11T09:01:00.007Z

Í RÉTTRI HÆÐ - SAMSÝNING

Laugardaginn 16. maí kl. 14:00 verður opnuð samsýningin Í RÉTTRI HÆÐ í Populus Tremula.

Þar sýna verk sín listamennirnir Aðalsteinn Svanur, Arnar Tryggvason, Gunnar Kr., Kristán Pétur, Jón Laxdal og Þórarinn Blöndal. Verkin á sýningunni eiga það sameiginlegt að vera hengd upp í réttri hæð. Sýningarstjóri er Gunnar Kr.

Við þetta tækifæri er einnig endurútgefin ljóðabók Jóns Laxdal, sem Populus tremula gaf út 2007 og verið hefur ófáanleg um nokkurt skeið. Bókin, sem var fyrsta útgáfuverkefni Pt, verður til sölu á staðnum, eins og aðrar bækur útgáfunnar, sem nú fylla tvo tugi.

Uppákomur verða á opnun.

Sýningin verður einnig opin sunnudaginn 17. maí kl. 14:00 - 17:00 | Aðeins þessi eina helgi

---

Við opnun sýningarinnar voru framin ýmis skemmtiatriði, ljóðalestur, hljóðfærasláttur og söngur. M.a. komu allir sýnendur á svið og fluttu Goðmund á Glæsivöllum eftir Grím Thomsen.

Í sýningarskrá var prentaður eftirfarandi texti til að útskýra titil og tilgang sýningarinnar:

Mannhæð er ágæt mælieining þótt nokkuð sé hún ómarkviss þegar kemur að nákvæmum hæðarmælingum. Eigi að síður gengur titill sýningarinnar út frá þessum ævaforna mælikvarða.
Augnhæð er svo annar og náskyldur mælikvarði sem oft ber á góma þegar myndir eru hengdar á veggi.
Yfirbragð þessarar sýningar markast af því að listaverkin eru fest upp í réttri hæð, eins og titillinn ber með sér.

Meðal þess sem sýnendur eiga sameiginlegt er að njóta þeirrar gæfu að tilheyra hinum stóra vinahópi Sigurðar Heiðars Jónssonar – það er límið sem heldur sýningunni saman.
Allir sem til þekkja, og þeir eru margir, vita að Sigurður er stórmenni – þótt aldrei hafi hann verið hár í loftinu eða hreykt sér. Og nú þegar lífið hefur af óbilgirni sinni kippt undan honum fótunum og bundið við stól, fer ekki hjá því að augnhæðin hafi lækkað nokkuð. Því viljum við félagar sem hér hengjum upp sýningu sýna honum og öðrum gestum verk okkar í réttri hæð til að njóta. Réttri hæð fyrir þá sem ekki ná staðlaðari mannhæð, hvort sem örlögin hafa slegið þá niður eða lífið sé svo ungt að máli sé enn ekki náð.
Því stærð manneskjunnar ræðst ekki af hæð.

KJARTAN SIGTRYGGSSON SÝNIR | 9. maí

2009-05-04T11:03:00.002Z

KJARTAN SIGTRYGGSSON SÝNIR | 9. maí

Laugardaginn 9. maí kl. 14:00 mun Kjartan Sigrtyggsson opna myndlistarsýningu í Populus Tremula.

Að þessu sinni sýnir Kjartan teikningar – ýmist tölvugerðar, hefðbundnar eða teiknicollage. Kjartan útskrifaðist úr myndlistardeild Listaháskóla Íslands 2006.

Sýningin verður einnig opin sunnudaginn 10. maí kl. 14:00 - 17:00 | Aðeins þessi eina helgi

SKEMMTIKVÖLD MEÐ ÁSPRENTI STÍL

2009-05-04T10:58:00.005Z

Laugardagskvöldið 2. maí hélt Populus tremula lokað skemmtikvöld fyrir starfsfólk Ásprents Stíls.

Með þessu vildu félagsmenn í Populus þakka Ásprenti Stíl með sínum hætti fyrir ómetanlegan stuðning fyrirtækisins við starfsemi Populus tremula frá upphaf, haustið 2004.

Stuðningur Ásprents Stíls hefur skipt sköpum fyrir sarfið í Populus og kynningu á henni og verður ekki nógsamlega þakkað fyrir þann hlýja hug sem að baki liggur.

Á skemmtikvöldinu komu allir félagsmenn fram og fluttu fjölbreytta tónlist, ýmist einir eða í ýmsum útfærslum af hljómsveit hússins.

Mætng var afbragðsgóð og gerður góður rómur að dagskránni.

Svo skemmtilega vildi til að sjálfur Papa Populus (SHJ) átti afmæli þennan dag og afhentu populingar honum gjöf af því tilefni.
Myndirnar tóku Kristján Pétur og Ingi Þór Tryggvason.

TAKK FYRIR OKKUR!

TÓNLEIKAR 1. MAÍ | SKAKKAMANAGE

2009-04-26T18:15:00.005Z

TÓNLEIKAR 1. MAÍ
SKAKKAMANAGE | SICKBIRD | LÉTT Á BÁRUINNI | PRINS PÓLÓ

Föstudagskvöldið 1. MAÍ kl. 22:00 verða haldnir tónleikar í Populus Tremula í samstarfi við KIMI records.

Fram koma hljómsveitirnar Skakkamanage, Létt á bárunni og Prins Póló. Konni Sickbird hitar upp. Plötur og bolir fást á skid og ingenting!

Húsið verður opnað kl. 21:30 | AÐGANGUR ÓKEYPIS | Malpokar leyfðir

Sigurður Heiðar Jónsson heiðraður

2009-04-25T09:44:00.005Z

Á sumardaginn fyrsta, þann 23.apríl sl., veitti Akureyrarstofa að vanda menningarverðlaun af ýmsu tagi í Ketilhúsinu, úthlutaði starfslaunum til listamanna, veitti húsafriðunarverðlaun o.fl.

Sigurði Heiðari Jónssyni var við það tækifæri veitt viðurkenning fyrir framúrskarandi menningarstörf.

Um langt árabil hefur Sigurður Jónsson verið áberandi og atkvæðamikill í menningarlífinu á Akureyri. Hann var lengi í framvarðarsveit Gilfélagsins og hafði þar mikil áhrif sem of langt mál yrði að telja upp hér. Á eigin vegum stóð hann margoft fyrir bókmenntadagskrám undir nafninu Heimur ljóðsins, lengst af í samvinnu við Þorstein Gylfason. Síðustu fimm árin hefur Sigurður verið leiðandi afl og lykilmaður í Menningarsmiðjunni Populus tremula, sem sett hefur mark sitt á mannlífið á Akureyri svo um munar og eftir hefur verið tekið.
Á tónlistarsviðinu hefur Sigurður haft umtalsverð áhrif með því að stofna til sérstakra tónlistardagskráa og fá til liðs við sig tónlistarmenn til verksins. Meðal annars með tónlist snillinganna Cornelis Vreeswijk og Tom Waits. Fleiri hafa bæst við og þarna liggur í raun grunnurinn að stofnun Populus tremula.

Sigurður hefur haldið eina myndlistarsýningu í Populus tremula, Öxlar og illþýði, þar sem hann gagnrýndi ofbeldi og heimsku með afar beinskeyttum hætti.
Hann hefur enn fremur sent frá sér ljóðabókina Úr dagbók Rúdólfs Rósengerg sem Populus tremula gaf út 2007.

Allt þetta starf hefur Sigurður unnið af einstakri hógværð og algerri óeigingirni án þess nokkurn tíma að ætla sér önnur laun en gleðina sem felst í góðum félagsskap og að stuðla að fegurra mannlífi.

Það má því ljóst vera að Sigurður er vel að þessari viðurkenningu kominn, að ekki sé dýpra í árinni tekið.

Til hamingju félagi og vinur!

LÍKAMI SÁLAR | 25.4.

2009-04-17T16:02:00.004Z

LÍKAMI SÁLAR
Harpa Örvarsdóttir sýnir í Populus tremula
25. og 26. apríl 2009

Laugardaginn 25. apríl kl. 14:00 mun Harpa Örvarsdóttir opna myndlistarsýninguna Líkami sálar í Populus Tremula.

Harpa, sem er listmenntuð frá VMA, Emily Carr University og Kwantlen University í Vancouver B.C, sýnir að þessu sinni teikningar af nöktum líkömum sem unnar eru á gler.

Um sýninguna segir Harpa: „Á sýningunni, sem ber heitið „Líkami sálar“, eru teikningar af nöktum líkömum sem unnar eru á gler. Myndirnar eiga að minna fólk á sjálft sig því það er endalaust hægt að bæta línum við teikninguna til að fullkomna hana rétt eins og að vinna í sjálfum sér og verða betri og fallegri manneskja. Við erum líka hverar línu virði þótt við séum ekki í gullinsniðinu.“

Sýningin verður einnig opin sunnudaginn 26. apríl kl. 14:00 - 17:00 | Aðeins þessi eina helgi

MEIRA ROKK EN VANALEGA | 17.4.09

2009-04-14T10:09:00.003Z

Föstudagskvöldið 17. apríl kl. 21:00 verða haldnir rokktónleikar í Populus Tremula.

Fram koma hljómsveitirnar Endrum, Chino, Iblis og Provoke. Hér gefst hressandi tækifæri til að taka púlsinn á því sem ungir rokkarar á Akureyri eru að fást við – rokkarar framtíðarinnar. Að þessu sinni verður jafnvel MEIRA ROKK EN VANALEGA!

Húsið verður opnað kl. 20:30 | Aðgangur ókeypis | Malpokar ekki leyfðir

PÁSKARNIR 2009 | 11.-13. APRÍL

2009-04-06T09:34:00.006Z

PÁSKARNIR 2009 | 11.-13. APRÍL

RAFVIRKI 1 2 3
Opnun laugardaginn 11. apríl kl.14:00
BIRGIR SIGURÐSSON

Laugardaginn 11. apríl kl. 14:00 mun Birgir Sigurðsson opna myndlistarsýninguna RAFVIRKI 1 2 3 í Populus Tremula.

Með sýningunni tengir rafvirkinn og myndlistarmaðurnn fortíð og nútíð. Efniviðurinn er fenginn úr ýmsum áttum og mörgum listformum blandað saman. Dansverk, ljósskúlptúrar, innsetning, reglugerðarupplestur og ljóðaupplestur. Dansgjörningur á opnun.

Sýningin verður einnig opin á páskadag og annan í páskum kl. 14:00-17:00

---

TÓNLEIKAR
Mánudagskvöldið 13. apríl kl. 21:00
JOHAN PIRIBAUER

Johan Piribauer söngvari, lagahöfundur og alþýðurokkari frá Lapplandi heldur tónleika í Populus Tremula að kvöldi annars í páskum. Ásamt honum koma fram Gabriel Liljenström fiðluleikari og söngkonan Maud Rombe. Johan syngur á sænsku en tónlist hans og textar sækja innblástur í menningu og náttúru Lapplands.

Johan hefur gefið úr fimm hljómplötur síðan 1995 og hefur flutt tónlist sína víða um heim við góðan orðstýr og frábæra dóma.
Auk tónleikanna í Populus koma þau fram á Aldrei fór ég suður á Ísafirði og í Kaffi Hljómalind í Reykjavík.

Húsið verður opnað kl. 20:30 | Aðgangur ókeypis | Malpokar leyfðir

AF ÓVIÐRÁÐANLEGUM ÁSTÆÐUM FÉLLU ÞESSIR TÓNLEIKAR NIÐUR.

LITLA LJÓÐAHÁTÍÐIN | 3.-4. apríl

2009-03-29T11:52:00.007Z

LITLA LJÓÐAHÁTÍÐIN
haldin í Populus tremula 3.-4. apríl 2009
AÐGANGUR ÓKEYPIS

Föstudagskvöldið 3. apríl kl. 21:00
LJÓÐAKVÖLD Í POPULUS TREMULA

Eiríkur Örn Norðdahl flytur vídeóljóðagjörning
Ingunn Snædal
Jón Laxdal
Þórarinn Eldjárn

Laugardagurinn 4. apríl kl. 14:00
MÁLÞING UM LJÓÐLIST Í POPULUS TREMULA

Kristján Kristjánsson, skáld og útgefandi
Útgáfa ljóða á 21. öldinni
Þorvaldur Þorsteinsson rithöfundur
Ljóðlist 2.0 - 2.1 (frá upphafningu til upphafs and back again)

Laugardagskvöldið 4. apríl kl. 21:00
LJÓÐAKVÖLD Í POPULUS TREMULA

Aðalsteinn Svanur Sigfússon
Gyrðir Elíasson
Magnús Sigurðsson
Þorsteinn frá Hamri

Metnaðarfull bókmenntadagskrá þar sem fram koma nokkur af fremstu ljóðskáldum landsins, auk þess sem fyrirlestrar um ljóðlist verða haldnir í tengslum við hátíðina.
Skipuleggjendur og forvígismenn hátíðarinnar eru Hjálmar Stefán Brynjólfsson, Atli Hafþórsson og Gunnar M. Gunnarsson,

HALLMUNDUR KRISTINSSON | 28.-29. mars

2009-03-22T14:44:00.003Z

GAMALT & NÝTT
Hallmundur Kristinsson
MYNDLISTARSÝNING

Laugardaginn 28. mars kl. 14:00 mun Hallmundur Kristinsson opna myndlistarsýninguna GAMALT & NÝTT Í Populus Tremula.

Þar sýnir Hallmundur myndverk af ýmsum toga, unnin með mismunandi aðferðum á löngu tímabili, eða allt frá 1973 og fram á þennan dag.

Einnig kynnir hann nýtt kver með 60 kreppuvísum.

Sýningin verður einnig opin sunnudaginn 29. mars kl. 14:00 - 17:00 | Aðeins þessi eina helgi

ÓLAFUR SVEINSSSON 45 | 21.-22. mars

2009-03-16T09:47:00.003Z

ÓLAFUR SVEINSSSON 45 | 21.-22. mars
MYNDLISTARSÝNING

Laugardaginn 21. mars kl. 14:00 mun Ólafur Sveinsson opna myndlistarsýninguna 45 í Populus Tremula.

Verkin á sýningunni, 45 talsins, eru teikningar, málverk, tréristur og nokkur tilbrigði við tímann (blönduð tækni við veggklukkur).

Sýningin er einnig opin sunnudaginn 22. mars frá 14:00-17:00 | Aðeins þessi eina helgi.

JORIS RADEMAKER | 14.-15. mars

2009-03-06T10:57:00.003Z

SAM-SPIL
JORIS RADEMAKER | 14.-15. mars
MYNDLISTARSÝNING OG BÓK

Laugardaginn 14. mars kl. 14:00 mun Joris Rademaker opna myndlistarsýningu í Populus Tremula. Sýnd verða ný spaghettí/sprey-verk á pappír.

Jafnframt gefur Populus tremula út bókina SAM-SPIL með hugleiðingum Jorisar um samspil orðs og línuteikningar.

Sýningin er einnig opin sunnudaginn 15. mars frá 14:00-17:00 | Aðeins þessi eina helgi.

KIDDI & THE FRIDAY NIGHT IDOLS | 28. FEB

2009-02-23T10:35:00.003Z

Smellið á myndina.

GUÐMUNDUR ÁRMANN | 28.2.-1.3.

2009-02-23T10:21:00.003Z

Smellið á myndina.

NAFN MITT ER STEINN STEINARR, SKÁLD

2009-02-15T11:18:00.004Z

smellið á myndina.

KALLI & KONNI | 14. feb.

2009-02-09T10:15:00.002Z

Smellið á myndina.

ROKKTÓNLEIKAR | 31. jan.

2009-01-27T09:14:00.000Z

Smellið á myndina.

ÁRAMÓTAUPPGJÖR | 30. des.

2008-12-22T12:38:00.003Z

SMELLIIÐ Á MYNDINA TIL AÐ LESA AUGLÝSINGUNA!

Fimmta áramótauppgjör Populus Tremula var haldið í höfuðstöðvunum 30.12.2008.
Í þetta skiptið kom húsbandið út í stórum plús. Ekki nóg með að þessir venjulegu sótraftar hafi flotið fínt. Við bættust t.d. Halli Davíðs og Mogadon, Arna og Ólöf Valsdætur, Ingimar og Vala og fleiri góðir plúsar.
Þetta var dúndur.

JÓLAKVEÐJA

2008-12-22T12:33:00.004Z

Populus tremula færir menningarvitum til sjávar og sveita hugheilar óskir um gleðileg jól og farsælt komandi ár.

Jafnframt þökkum við öllum þeim sem sýnt hafa starfsemi félagsins velvilja; með menningarframlagi og þátttöku í viðburðum, með því að sækja viðburði í Populus tremula eða með því að styrkja félagið með einum eða öðrum hætti. Án ykkar væri Populus tremula ekki svipur hjá sjón.

GLEÐILEGA HÁTÍÐ!

Aðalsteinn Svanur, Arnar, Atli, Bárður, Guðmundur Egill, Hjálmar Stefán, Konni, Kristján Pétur og Sigurður Heiðar

HALLGRÍMUR INGÓLFSSON | 13. DES.

2008-12-08T11:31:00.002Z

MYNDLISTARSÝNING
HALLGRÍMUR INGÓLFSSON
13. - 14. DESEMBER

Laugardaginn 13. desember kl. 14:00 mun Hallgrímur Ingólfsson opna myndlistarsýningu í Populus Tremula.
Þetta er fimmta einkasýning Hallgríms. Verkin á sýningunni eru ný af nálinni, máluð með akríllitum og tengjast öll Vestfjörðum.

Sýningin er einnig opin sunnudaginn 14. desember frá 14:00-17:00. Aðeins þessi eina helgi.

Minnum á JÓLABÚÐ BEATE OG HELGA sem verður opin um helgina kl. 13:00-18:00.